وكانت ندى الكامل قد نشرت مقطع فيديو على حسابها الشخصي على موقع التواصل الاجتماعي فيسبوك، ظهرت فيه وهي ترقص في الشارع، إلى جانب سيارتها.
وتعرضت "ندى" لانتقادات من قبل بعض مستخدمي مواقع التواصل، والذين اتهموها بأنها تستعرض ممتلكاتها وسيارتها الباهظة، لتقرر الرد علبهم، قائلة: "أنتوا ناس رخمين وبايخين وتافهين وفاضيين.. وأنا قررت أبقى زيكوا.. لا عربيتي مش بمليون جنيه عربيتي تمنها 2 مليون و600 ألف. ودي عربيه واحده من التلاتة اللي عندي وكلهم مفيش منهم غير قليل".
وتابعت: "وأنتوا ناس جهلة ومش عارفين حتى دي أي فئه.. يا رخمين يا فاضيين.. لازم يعني اعمل showing يعني!! وأبين نعم ربنا ليل نهار ونستعرض والناس اللي حظها قليل نفضل نزهقها بالأخبار دي والتصرفات المريضة اللي للأسف بقت موضة رخيصة عند بعض الناس للأسف؟؟".
"ندى" نصحت منتقديها بعدم التطلع إلى ما في حوزة الغير وأن يقدروا قيمة الصحة التي ينعمون بها: "كل إنسان عنده نعمة متاخد منه حاجات قصادها كتير وأنا اتحدى صاحب الخبر ده وغيره وبطلب منه ياخد ده كله ويعيش عيان وأنا مش عاوزة حاجه غير الصحة وراحة البال والنوم من غير هم أو خوف أني هصحى بكرة وإلا خلاص.. وده إحساس مريع وهلع.. وإن ولادي وصحابي وجوزي وعيلتي يكونوا كويسين".
واختتمت رسالتها بقولها: "الناس اللي ربنا مديها الصحة دي نعمة كبيرة اوعوا تنسوها.. حسوا بنعمة الصحة.. ومش عيب أني أبين نعم ربنا وأفرح بيها.. عالأقل مش بنسى أحافظ على شعور الناس".
ندى الكامل، تعمل في مجال الموضة وتصميم الأزياء، ولها نشاطات في مجال الإنشاءات والمعمار وتجارة العقارات، وسبق لها الزواج قبل الفيشاوي، ولديها ابنة من زوجها السابق تدعى مريم.
دعمت ندى الكامل، زوجها الفنان أحمد الفيشاوي، بعدما استأنف من جديد تصوير فيلم "أشباح أوروبا".
ونشرت "الكامل" عبر حسابها على موقع التواصل الاجتماعي "فيس بوك"، صورة لأحمد الفيشاوي من كواليس مشاركته للفيلم، وهو يظهر باللوك الخاص للفيلم، معلقة عليها: "مرحبا يا وسيم".
